للي مايسألون عن خطيـب الأقارب

حيـ آرمله ـاتي

السلام عليكم ورحمه الله وبركاته
تحيه طيبه وبعد .... حبيت اكتب لكم قصتي لتعتبرو منها ...
قصتي الي غيرت حياتي بدأءت بالصيف.. دايم مثل كل سنه بعد ما نخلص رحلتنا بالخارج نروح نزور الأقارب ...كنت أول مره اتحمس أروح الرياض مع اهلي بالعاده ما احب أروح اقعد بالبيت مع ابوي واخواني الصغار. لأن اهلنا الي بريااض ناس معقده وبخيلين وبدو مع احترامي .. المهم انا هالمره قررت اروح معاهم لأن العايله الكبيره كلها بتروح ..ألمهم وكان هناك ..عرس.. بنت عمت أمي الي كان مبين عليهم انهم ذوق وكشخه قدام الناس بس.. المهم حضرت الزواج وكنت لافته بقوه للأنظار تميزت بنعومه ورقه والحياء الطبيعي والكل كان يسأل من هذي بنته وين كانت ..!! ليش ما شفناها قبل.. وبعدها انخطبت من اخوالعروسه.. كانت له مواصفات تغري.. انه شاب وسيم.. موظف براتب 7000 ريال.. عنده خير من مصنع وشقق ..وغيره وغيره.. ابوه متوفي..يحب السفر للخارج .. عايلتهم كلهم سمان من امه واخوانه وخاوته وحتى مرت اخوهم الكبير يعني 100 كيلووما فوق.. انا ما احب السمان لأني صراحه رشيقه واحب الجسم الحلو ((ما يحق لي..!!))بس بعدين قالو لي انه خف وسوى رجيم .. وله عيب وااحد انه يدخن وعصبي لكن طيب بس ..((هذا المعلومات الي وصلتني ووصلت اهلي)) وعلى فكره الي خطبوني هذولا صحيح انهم يقربون لنا لكن ما لنا احتكاك فيهم...يعني يالله من سنه الى اربع سنوات مره اومرتين..
وبعدين حنا ما سألنا عليهم على أساس انهم من العايله .. وهذا كان اكبر غلط..؟؟ وبنسبه لي كنت اول مره بحياتي اشوفهم وكانو على قدر من الذوق صيحيح انهم سمان لكن جميلين ..المهم..جاونا البيت وتمت الخطبه بحيث كان للعريس شرط الا وهو النظره الشرعيه.. بنسبه لي تفاجأت من طلبه لأن حنا ناس بدو شوي وما عندنا نظره ابد ابد ابد..ابوي كان انسان متفتح ووافق وقال هذا حقه.. المهم الي استغربته ان امه كانت تبغى انها اهي الي دخلني على ولدها((بدايه السيطره )) ..حنا استغربنا شوي!!! لكن جحدنها بالصاله ودخلت انا مع ابو حطيت الصينه وما رفعت لعيني رمش وطلعت وبعد كذاراحو ..وهم بالخط دقت امه وقالت.. خلاص ترا وافقت والخطبه بالعيد انشاءالله يعني بعد شهر.!!<<اهي الي حددت((للحين اهي مسيطره )) ..المهم قام بيتنا انواع التجهيزات لو اقولكم ان التكاليف لملكتي كانت اكثر من تكاليفهم يوم زواجي ما راح تصدقون.. بعدين جات امه وادفعت المهر.. وشو!! انصدمنا بالمهر مو من عواايدنا تكون مهورنا على 50 الف ريال وشبكه بس ..! مع انهم ناس بخير وااجد المهم قال ابوي خير خير انشاء الله واخذناه وسكتنا على اساس انهم من العايله واما انا بنسبه لي الفلوس ما كنت تهمني الخير وااجد والحمد الله ..بس كنت ابي رجال اعيش معاه طول عمري بطيبه وحنان يعاملني كأنثى حساسه ورقيقه ويفهمني وافهمه يدلعني وادلعه يستر علي واستر عليه .... وبعدين جاء يوم ملكتي المنحوس... والي كان فيه ان الكوافيره ما ثبتت الحجز.. وان الورد الي كان مطلوب يوم الملكه ماوجد... وان المللك ,,الي بيملكنا ماجاء,,, سبحانه علامات القدر ربي كان ينبهني.. وما جا المملك الا الساعه 8ونص وكانت الملكه بقمة الفخامه من حيث التصوير بالفيديو والكيكيه المعاريس والخ الخ الي استغربته ان العريس جا وما معاه حتى ورده؟؟ هديه لي جاء مدلدل يديه قلت يمكن ما يعرف هالحركات عذرته!..المهم بعد كذا بدت مكالمااااااتي معاه وعشقته .. وقلت أخيرآ جاء الي يستاهل اني احفظ له بيته واسمه .. وكان يقول لي!! انه يوم النظره كان مو قادر يمسك نفسه!!لدرجه انه وهو بالخط مع امه يسوق والبسمه شاقه حلقه.. ولا يوم الملكه يقول استجنيت على ريحه شعرك عليه عطرموب طبيعي ولا ايدينك الي كانت تعرق من كثر السحى لما لبستك الدبله.. ذبت وانا أأكلك الكيكه ....عاد انا بذاك الوقت كنت بسنه ثالثه بالكليه .. طلب الأخ ان العرس يكون بالعطله الي بين الترمين..!! يقول ما اقدر اصبر عنك اكثر . تخيلو بين النظره والملكه شهر وبين الملكه والعرس شهر.. ولما جا يوم العرس تفاجئنا بصاله؟؟؟ طبعأ ام المعرس قالت ما راح نسوي عرسنا الا عندنا بريااض((مشناها بمزجنا لأنها كبيره بالسن ))وربي كانت صاله مزبله الله يكرمكم.. ولا بعد تخيلو ما حجز لي غرفه بصاله قالو المضيفات هاتو الفلوس حق غرفه العروسه وتخيلو الكييكه الي كانو جايبينها .. ياليتهم ما جابو هذاي انا واهو ويالله تكفينا.. امي يوم شافتها عطتها الموضيفه قالت خذيها لتس.. المهم انزفيت وانتهى العرس .. الطامه الكبرى اني توقعت الفندق ليلت عرسي الفيصليه او بالمملكه ببرج عالي اطل انا ويااه على منظر ما ننساه لليلتنا الأولى.. بس الواقع شي ثاني لقيت نفسي بشقه متر بمتر بدور الأرضي هذي و((بعلتها)) اصبحنا لصبح لقيته يقول ترى ما فيه غداء لصباحيه تقول امه مالها داعي >>(( وطبعآ سكت لأني كنت عروس ومستحيه )) بعدين قلت له ليش ما سكنا ليلتنى بالفيصليه يعني من باب تكون ليله العمر ماتنسي .. قال> تبيني اسكنك بمكان غالي وانا متأكد ما أقدر اسويلك شي أول اليله؟؟؟؟ ((((صدمه قويه جد))))المهم بعد كذا تفاجأت اني بروح مكه معااه بسياره مو بطياره(( بلعتها وسكت)) .. و تخيلو اني بجده امر على المجمعات ولا أدخلها قمة التعذيب للمرآه ههههههه المهم انا احترمت وجهه نظره يوم قال انه ما يحبها >> ((الأهل موصينه.. ))وهديتي الي جابها الي يوم صباحيتي جوال قيمه 80 ريال>>((الأهل موصينه))
وربي وهو معااه اخر موديل..المهم الأعظم اني لما قلت له ابي اودي ملابسي المغسله ..قال نعم!! وش حضرتك ما تغسلينهم ..؟؟؟؟ انا هنا سكت وما رديت قلت يمكن يستحي يودي ملابس بنت للمغسله ..وما كملت اسبوع الا وانا بغرفتي الي بوسط بيت اهله ..تفاجأت يوم يقول لي غسلي ملابسي !!باقي عروس ما كملت عشره ايام ..!!طبعآ ((سكت وغسلت)) ..كنت فاهمه ان الزواج أول على الأقل شهر العسل بتدلع فيه ؟؟المهم وبعد كذارجعت عند اهلى مثل ما كان مشروط اني اكمل دراستي عندهم .. تخيلو عروس ترجع من شهر العسل ما معاه هديه لا لأمها ولا لأأبوها .. وبعداسبوعين جاء ياخذني مثل ما هو متفق عليه كل الخميس والجمعه .. طلعت معاااه على شقق مستوها اقل من المتوسط .. المهم الأخ قال بنزل الحلاق حسيت الرجال ابطى علي.. ما وعيت الا جوالي يدق ((دقات قلبي يتصل ..بك))أرد ما طلع زوجي طلع واااحد ثاني يقول لي يا فلانه انا ولد خالت زوجك اذا لقيتي اي شي بشقه قطيه البلوعه ؟؟؟و ما وعيت الاالرججيال بثياب داخلين علي ومعاهم حرمه عبده ادخلو علي ((صدمه قوي جدآ)) فتشوني وفتشو الشقه ...وولد خالته جا وخذاني اهو مرته وودوني بيتهم بعد كذا جا زوجي آخر اليل وخذاني وقال ان عليه اقسااط ما سددها!!! اذا تحبيني بصدق المرأه العاقله ما تعلم اهلها بكل شي (( وياليتني علمت اهلي ))واكتم سره ليومكم هذا!! مع اني كنت اشك فيه!المهم صارت هذي حالتنا كل خميس وجمعه يجي ويروح.. قعدنا على هالحاله 6 شهور الى رمضان حيث قررت اني ادرس عندهم برمضان سنه رابعه و قبل رمضان بسبوع عرفت اني حامل ..المهم برمضان تعرفت عليهم وطلعو على حقيقتهم يوم اني عشت معاهم وشفت ناااس اعوذ بالله همهم الوحيد بدنياالأكل..ياوش كثرياكلوووون ..
يعني ماطلعت سمنتهم من وراثه الا من البلع وربي المهم .. شوي شوي بدو يدققوون في اكلي وكانو يقولون بس هذا يكفيك!!انا صرت اخاف آكل عندهم وعيب طبعآ أطلع آكل في غرفتي ؟؟فما صارت آكل الايمكن وجبه باليوم صرت انحرج من تعليقهم على آكلي .. المهم .. بعد كذا تخيلو كان يقضون لنفسهم من أسواق الجزمه على 6 ريال...!! اجل وش خلو لضعوف ؟؟ المهم (((الأم))) هي مسيطره على كل شي بالبيت هي الأمر والناهي .. تخيلو انها تشتريه لنفسها لبس العيد 30 ريال والجزمه 6 ريال لو اتدري هالعجوز انا نشتري الجزمه لأمي 350او400ريال من الدو.. وش بتسوي والله أن تنتحر.. بعد كذاكان عندهم ببيتهم نظام غريب شوي ان البنت الوحده تدخل تطبخ الفطورلأهل البيت كله ..أخت زوجي المطلقه الي ما كلمت شهر عند زوجها طيرت له عيونه والله من الشر الي فيها لما يكون الفطور عليها يكون السحور على مرت اخوها الكبير وبالعكس ..واخوهم الكبير مطلق وهذي زوجته الثانيه تزوجها وهي عمرها 19سنه أصغر مني و من عايله جدآ فقيره وملعون خيرهاببيت اهلها بس موب قليله شر أم زوجي خذتها صغيره علشان تعجنها على كيفهااااا... اما انا الفطور والسحور على بنفس اليوم حتى لو كان عندهم ضيوف ما في تعاون .. واذا كنتي حامل وتعبانه برمضان مالنا دخل سوي لقيمات ؟؟ والي صدمني اكثر ان أول يوم رمضان كان علي انا .. وتفجأت بضيوف جايين 7 رجال من غير اهل البيت 4 رجال اخوان زوجي.يعني 11 رجال و5 حريم اختهم الصغيره وامهم واختهم المطلقه ومرت اخوهم وبنتهم المتزوجه قعدت عندنا ثلاثه ارباع رمضان وما تلمس المطبخ!!
ما جا آآخر اليوم الا وانا طايحه بالفراش لليوم الثانيه وانا فاغره<ما قدرت تركت الدراسه الطاقه اكبر من طاقتي الي اتحملها والأمر انهم اذا شافو زوجي راحمني يلعنون خيره مثل مره طلعت وياه الموعد وبأخر اليل طلعت اجيب المقاضي قالت امه ؟؟ طلعتين بنفس اليوم !! ولا أذا ساعدتهم بالبيت وشليت الصينيه مواعين وااجد.. تقول شيلت العاجز ثقيله .. ومره رحمني وقال قدامهم لا تطلعين الدرج انا بجيب اغراضي ..تفاجأت بأخر اليوم يقول بكره ابغاك تصلحين لي عريكه انا واخواني<<((أهله موصينه)) وربي سويتها وانا حامل بشهر الأول عركت....كله كووم ولما جاو اهلي يزوروني كووم قالي اطبخي لأهلك ذبيحه ...؟؟؟ <<((أهله موصينه)) ..من متى نطبخ ذبايح امي وهي امي ماطبخت ذبيحه..عقب اقتنع ..بس قال ما عندي فلوس .. قلت خذ هذا الصراف حقي فيه 3000ريال؟؟ قال من وين لك قلت ابوي الله يطول بعمره..وربي اني ما قصرت بحقه من فطوروغداء وعشاء كله من يديني.. ملاحظه أهل البيت هذا ما يعترف بشي اسمه مطاعم ..!!تخيلو كل طبخ بيتي في بيتي تصدقون ان حتى الخبز نسويه بالبيت !! ومن باقي النواحي الثانيه ابد ما قصرت بحقه وكنت اسوي لزوجي انواع اليالي الرومنسيه وانواع المفاجأت لدرجه خليت واحد من اخوني يوديني الرياض.للمفاجأئة وكنت انا الي افكر فيه واجيب له هدايا عمره ما فكره يشتريها !!من ساعات وعطور وملابس كل ماجا خميس وجمعه اكون محضره له مفاجأ بهديتها !! حتى أخر يوم لي كنت معاه ..الي هو ليله عيد الفطر كنت مسويه له هديه جدأ جدأ قيمه وهو بالمقابل .. شكرآ.. وان جاب هديه ..؟؟ يجب لي الهديا والعينات الي يعطونا اياهامحلات العطور !! يحسبني غبيه ما اعرفها..المهم تخيلو من البخل الي في امه تقول لي البسي من ثياب جهازك بالعيد!! من كثر جهازي الحين جزا الله الف خير ابوي زاااد عليه ..ولاتقول لا تشربين من مويه الصحه تعور البطن اشربي من البزبوز!!..تبي توفر هالعجوز مسيطره على كل شي ما قدرت اتحمل طفشتني تلاحقني بالمطبخ تقول ليش.. ما كبيت باقي القشطه باقي فيها شيليه بالملقعه !!طلعي زبالتك برى الشارع الخدامه مو مسؤله عنها .. وفري على زوجك واكوي شماغه وثيابه بالبيت .. ولاااا مره قالت لي ليش اهلك كل سنه يسافرون ليش ما يحفظون فلوسهم ازين لهم ؟ وطبعآ انا كالعاده(( اسكت وما ارد عليها على أساس انها حرمه كبيره وام زوجي )).. ولا أخته الي مطلقه الي ناشبه لي با البلعوم غيراااانه حيل من جسمي ..!! تقول له كيف ترضى مرتك تتمشى بالبيت وهي تلبس بنطلون !! وقفت ولا عااد لبست بنطلون .. قالت اخته المطلقه كيف تخلي مرتك تتمشى بتنوره ترى جسمها يغري..!! خلها تلبس قميص بيت ولا روز؟؟؟<< انا عمري بحياتي من غير مبالغه ما لبست قميص ولا رزو حتى !! ولا تقول له خل مرتك تلبس برقع ترى اخوي الصغير صادفها بالمطبخ ؟؟ ولا مره جا زوجي عندي برمضان قال ليش ماتابعين المسلسل هذا تحت عند اهلي؟؟ قلت اهلك مايبحونه...قال طيب ..ونزل وما كمل عشر دقايق الا وارسل رساله قال انتي كذااااااابه اهلي قاعدين يطالعونه ((تخيلو ما في ثقه ...كذبني!)) ولامره قال انتي كذابه مسخنه الحليب بالمايكروف؟؟ بغيت اموت من القهر!! شكل احد سوى هالموقف فيه !! انا هنا عرفت انه انسان موب صاحي قهرني بتصرفاته احس انه ريموت بيدين امه واخواته واخوه
في الأخير عقب ما ضاقت الدنيا فيني قلت له ما اقدراستحمل اختك وامك قال...
اختي مصيرها تتزوج لكن امي ما اقدر اعصي لها آمر !!ووش ما تقول يمشي وعلى فكره لا تفكرين ابد ابد ابد نطلع بيت لحالناواذا بنيت بيت بيكون انا وامي واخوي الكبير واخواتي كلنا بالبيت ... رضيتي ولا انرضيتي !!! هنااااحكم علي بالموت ..؟؟؟مرضت بهت لوني تساقط شعري انحت جسمي نفسيتي ما تسوى صرت انزف وانا حامل!!كرهتكم وكرهته
وبعدين فكرت وقلت له تكفى حرام تضيع على السنه ابي ادرس عند اهلي نفسيتي هنا ما تتحمل تعذرت بالحمل ...ووافق..وقال بكره بوديك تصلحين اوراقك وأول يوم العيد اوديك أوكيه وصارالي قاله.. وحنا راجعين من الدكتور وبالعشر الأواخر من رمضان لقيت اهله كلهم حتى مرت اخوه مجتمعين بصاله قلت الله يستر شكلهم طابخين لي طبخه..ثواني الاودق علي وقال انزلي ابيك .. لقيته اهو وامه بالمقلط تقول لي انا ..!!وش يوديك يابنتي تدرسين عند اهللك خساير باص 500 ريال وهنا زوجك يوديك ببلاش ومصروف ومشاوير لدكتور... ملا حظه كان يوديني لدكتور بالحكومه...لكن أنا نطيت بوجهه وقلت اذا مو قادر اهلي قادرين ! المهم ...انا هنا انصدمت من امه اناظر زوجي منزل راسه !!>> انقلعت غرفتي ميته بكاءليوم العيد ولي كان اول مره بالعيد ما ألبس جديد.. قال جهزي اغراضك بوديك جهزت وانا ساكته ولا سألته عن اي شي !! تخيلو حطني عند اهلي ولا حط عندي ريال وااحد كان أول مره مايعطيني !! وانا من عزت نفسي ما كنت اطلبه لا يمكن ...بعد كذاأتصلت عليه وقلت له لو سمحت بغيت مصروف ..!! قال طيب بنزل لك بالحساب يومين واتصلت انا عليه وين مصروفي ما نزلت لي شي.. قال خلي اهلك يصروفن عليك وعلى وباصك وكتبك انا ماني مسؤال<<((أهله موصينه ))بعد كذا بدت الخلافات والسب والشتم
وفتحت قلبي لأهلي وعلمتهم بكل حاجه بعد ما كنت صابره واشرب كاسات من القهر.. وتعرفون اذا تدخلو الأهل تكبر المشكله .. والغباء الي فيني اني يوم جيت عند اهلي ما جبت ذهبي ولا عطوراتي ولا ملابسي الي ما خذتها من اغلى الماركات.. وكانت تصير معااي محادثات بالجوال يقول لي ارجعي بعيد الضحى قلت طيب بتشتري لي لبس !! يقول ماله داعي..؟؟ قلت اقعد عند اهلي الي يلبسون ويأكلوني من غير أهانات احسن لي ... بعد كذا تكفل ابوي بكل شي ورجعت مثل ما انا بنت وحتى مصاريف مراجعه الحمل ولبسه الحمل وجميع مستلزمات الولاده من مستشفى وتجهيزات البيبي على ابوي .. بعد كذاجلست عند اهلي من أول يوم العيد فطر 1\10 الي يوم الولاده 9\4 حتى يوم ولادتي .. شرف الأخ يسأل عن ولده .. وجاء يسميه((اسم )) قهرني فيه جاتني حاله نفسيه على اسم ولدي المسيكن الي ماله ذنب كل من شافه استجن على جماله هالولد.. حتى اني مره نزلت صورته بموقع قالو لي ناس شيليها ربي يحفظه لك انشاء الله ...وياليت على الأسم وبس الا جا عندي وقال لي كلام يسد النفس طلبت من الطلاق ايه ابيك تطلق.... وكانت فترة نفاسي عشت مهمومه مريضه كل يومين بمستشفى بين الأبر والمغذيات انهرت حسيت اني خلاص بموت لدرجه اني كنت استشهد كل يوم مستشفى شكل يودوني اهلي ..كل يوم ابر لدرجه . وصلت.لدرجه الله يكرمكم امي هي الي صارت تبدل لي ملابس كنت اطيح من طولي مااقدر اسند نفسي ...ايالله لا يعديها انشاء الله..وبعد الأربعين سوو اهلي لي حفله تكلفتها وصلت 10000 الاف ريال من لبسي ومكياجي وحلويات وعشاء ومكان الحفل ودي جي شي مو طبيعي تحسون ان الناس عايشه بشرقيه والدنيا فالينها والفلوس تروح وتجي اهم شي وناستك والدنيا فانيه.. المهم بعدالحفله بسبوع جا الأخ وانا ما كنت موجوده طالعه برى يقول ابي مرتي ترجع لبيتي .. ورفضت اذا كان على نفس الحال.. وقام طلقني غيابي عند اخوي الصغير بأول ثانوي 3 طلقات .. وراح حتى ما طلب يشوف ولده ..!!! والبيبي الحين صار عمره 5 شهور ولا شاف ريال وااحد من ابوه .. ما اقول الالله يخلي خواله وجده الي ما يقصرون عليه وانشاء الله يكبر وينفع امه وجده وخواله يارب.. بس قلت انا مايصير لازم يدفعون لو على الأقل شي بسيط رفض ابوه ولدي تخيلو .. أرسل بس 500 ريال حق شهر وااحد وبعدهاغ ماعاد أرسل ........ولاااا ازودكم من الشعر بيت اني بعد ما طلقت بداء الناس الي كانو يعرفون اهل طليقي يتكلمون يقولون لنا توكم تعرفونهم هذولاالعيال خواتم بيد امهم وزوج بنتكم هذا معروف بديره هنااك معروف انه اكبر حشاش وما نحف من فراغ .. وعلى فكره تراه راعي نسوووان ... نسونجي؟؟ قلنا لهم وين هالكلام من قبل يوم جاو يخطبون بنتنا ليش ما تكلمتو قالو خفنا تقولون عناانا نبي نقطع نصيب بنتكم ..شوفو العذر ياناس ...!!!

( حسبي الله ونعم الوكيل , اللهم اجرني في مصيبتي هذه واخلف لي خيرا منها)

وانا الحين بوسط بيت اهلي معززه مكرمه
أطلب وتدلل ((انا غبيه يوم طلعت من قصر ابوي ))
و الحين مكمله دراستي بأذن الله هالسنه بتخرج
*
*
*
( حسبي الله ونعم الوكيل , اللهم اجرني في مصيبتي هذه واخلف لي خيرا منها)
ونصيحه لكل قتاة مقبله على الزواج أول شروطك بيت لحالك بيعيد عن أهل زوجك..!!!<<يفضل لو انك بديره واهل زوجك بديره ))
اسألي عن أهل زوجك خصوصآ امه قبل زوجك نفسه حتى لو ماانتي ساكنه معهم بنفس البيت...!!!
دراااستك ثم درااستك تنفعك أكثر من رجلك ابوي عيالك الي بيسحب عليك يوم من الأيام..!!